Միացյալ Նահանգների Կոնգրեսի Ներկայացուցիչների պալատի խոսնակ Նենսի Փելոսին կոչ է արել խստացնել Ռուսաստանի դեմ պատժամիջոցները, քանի դեռ չի ավարտվել Ռուսաստանի կողմից սանձազերծված պատերազմը։ Այդ մասին նա հայտարարել է սեպտեմբերի 16-ին՝ ուրբաթ օրը, Բեռլինում G7-ի խորհրդարանների նախագահների մամուլի ասուլիսում։
«Դա պահանջում է անվտանգության զգալի աջակցություն, մարդասիրական օգնություն, տնտեսական օգնություն և պատժամիջոցներ, պատժամիջոցներ, պատժամիջոցներ, որպեսզի Ռուսաստանը զգա դրա ցավը», – ասաց նա, փոխանցում է Կորեսպոնդենտը:
Փելոսին ընդգծել է ռազմական գործողություններից հետո Ուկրաինան վերականգնելու անհրաժեշտությունը և առաջարկել այդ նպատակով օգտագործել ռուսական սառեցված ակտիվները։
