Կադաստրում ներքին վերահսկողության վարչության պետ է նշանակվել Խաչատուր Բաղդոյանը, այս մասին տեղեկացրին Կադաստրի պետական կոմիտեից: Խաչատուր Բաղդոյանը մինչ այդ եղել է Կոմիտեի ղեկավարի օգնական:
36-ամյա Բաղդոյանը ծնվել է Երևանում: Դպրոցն ավարտելուց հետո 2001-ին ընդունվել է Ռուսաստանի անվտանգության դաշնային ծառայության ակադեմիա, որն ավարտելուց անմիջապես հետո՝ 2006 թվականին, աշխատանքի է անցել ՀՀ Ազգային անվտանգության ծառայությունում: 2019-ի մարտ ամսին զորացրվել է և նույն ամսում նշանակվել Կադաստրի կոմիտեի ղեկավարի օգնական:
Ամուսնացած է, ունի երկու որդի:
