Ֆրանսիայի նախագահ Էմանուել Մակրոնը France 2-ին տված հարցազրույցում հայտարարել է, որ հնարավորինս շուտ պլանավորում է զրույց ունենալ Ռուսաստանի նախագահ Վլադիմիր Պուտինի հետ։
«Ամեն ինչ պետք է կազմակերպվի սեղմ ժամկետներում։ Հաղորդակցությունները ներկայումս վերականգնվում են և պետք է կայանան առաջիկա շաբաթների ընթացքում», — ասել է նա։
Ֆրանսիայի նախագահի խոսքով՝ զրույցը պետք է տեղի ունենա հնարավորինս շուտ։
Այսպես է նա պատասխանել հեռուստաալիքի լրագրողի հարցին, ով հիշեցրել է Մակրոնի վերջերս արած հայտարարությունն այն մասին, թե օգտակար կլիներ խոսել Պուտինի հետ։
Մակրոնը նաև նշել է, որ կարճաժամկետ հեռանկարում անհրաժեշտ է շարունակել աջակցել Ուկրաինային իր պաշտպանական ջանքերում։
Նա հավելել է, որ Մոսկվայի և Կիևի միջև խաղաղությունը չպետք է դառնա Ուկրաինայի կապիտուլյացիան։
