Ազգային դեմոկրատական դաշինքը (NDA), որը գլխավորում է վարչապետ Նարենդրա Մոդիի Հնդկաստանի ժողովրդական կուսակցությունը (Բհարաթիա Ջանատա կուսակցություն), ընտրություններից հետո ստացել է Հնդկաստանի խորհրդարանի ստորին պալատի մանդատների կեսից ավելին։ Այս մասին են վկայում ձայների հաշվարկի պաշտոնական արդյունքները, որոնք հրապարակել է NDTV-ն, երբ տեղեկություններ են հայտնվում ընտրատարածքներից։
Ձայների ավելի քան 85%-ի հաշվարկից հետո հրապարակված տվյալների համաձայն՝ Մոդիի կոալիցիան ստացել է 276 տեղ խորհրդարանի 543 տեղանոց ստորին պալատում։
Ընդդիմադիր կոալիցիան I.N.D.I.A. (Indian National Developmental Inclusive Alliance), որը ներառում է 28 կուսակցություն, ստացել է 205 մանդատ։
2019 թվականի վերջին ընտրություններում ԱԺԴ-ն ստացել է 353 տեղ խորհրդարանի ստորին պալատում։
Այժմ Մոդին երրորդ անգամ անընդմեջ կկարողանա ստանձնել վարչապետի պաշտոնը։
