Հայաստանի արտգործնախարար Արարատ Միրզոյանը բացահայտել է Թուրքիայի արտգործնախարար Հաքան Ֆիդանի հետ ամանորյա հեռախոսազրույցի մանրամասները։
Հունվարի 8-ին կայացած մամուլի ասուլիսում, պատասխանելով թուրք նախարարի հետ զրույցի մանրամասներին վերաբերող հարցին, Միրզոյանը նշեց, որ կողմերը փոխանակվել են շնորհավորանքներով ու ցանկություններով, քննարկել են նաև աշխարհում տիրող իրավիճակը և տարածաշրջանային հարցեր։
Խոսելով դիվանագիտական հարաբերությունների հաստատման և սահմանի բացման հեռանկարների մասին՝ Միրզոյանը նշեց, որ թուրքական կողմը խնդիրը կապում է հայ-ադրբեջանական հարաբերությունների կարգավորման հետ։
Այդ կապակցությամբ նախարարը համոզմունք հայտնեց, որ Թուրքիայի հետ հարաբերությունների կարգավորումը կհեշտացնի Ադրբեջանի հետ գործընթացը։ Բայց երկխոսությունը պետք է շարունակվի թե՛ արտգործնախարարների, թե՛ հատուկ ներկայացուցիչների մակարդակով։
