Շվեյցարացի 25 փաստաբաններից բաղկացած խումբը հայց է ներկայացրել Միջազգային քրեական դատարան (ՄՔԴ), որում համադաշնության արտաքին գործերի նախարար Ինյացիո Կասիսին մեղադրում է ռազմական հանցագործություններին, մարդկության դեմ ուղղված հանցագործություններին և ցեղասպանությանը հանցակից լինելու մեջ, որոնք իբր իրականացվում են Գազայի հատվածում։ Այս մասին հայտնել է Swissinfo պորտալը։
Մասնավորապես, նախարարին մեղսագրվում է այն փաստը, որ Շվեյցարիայի ռազմական համագործակցությունն Իսրայելի հետ չի դադարեցվել, ինչպես նաև բավարար քայլեր չեն ձեռնարկվել Գազայում հակամարտության ճակատագրական էսկալացիան կանխելու համար։ ԱԳՆ-ում հայտարարել են, որ հայտարարությունն ի գիտություն են ընդունել։
Կասիսը միակ պաշտոնյան չէ, որի դեմ հայց են ներկայացրել իր իսկ երկրի փաստաբանները։ 2025 թվականին Հաագայի դատարան նմանատիպ հայցեր են ներկայացվել Իտալիայի և Ֆրանսիայի բարձրաստիճան պաշտոնյաների, այդ թվում՝ Ֆրանսիայի նախագահ Էմանուել Մակրոնի և Իտալիայի վարչապետ Ջորջա Մելոնիի, ինչպես նաև այդ երկու երկրների արտաքին գործերի և պաշտպանության գերատեսչությունների ղեկավարների դեմ։
2025 թվականի սեպտեմբերի 16-ին օկուպացված պաղեստինյան տարածքներում (ներառյալ Արևելյան Երուսաղեմը) և Իսրայելում տեղի ունեցած իրադարձությունների հետաքննության ՄԱԿ-ի հանձնաժողովի փորձագետները հայտարարել են, որ հրեական պետությունը ցեղասպանություն է իրականացրել Գազայի հատվածի պաղեստինցիների նկատմամբ։ Հանձնաժողովի գնահատմամբ՝ Իսրայելի իշխանությունների և զինվորականների գործողությունների բնույթի վերաբերյալ միակ ողջամիտ եզրակացությունը, ներառյալ «սովը և պաղեստինցիների կյանքի անմարդկային պայմանները», կայանում է «ցեղասպան մտադրությունների» առկայության մեջ։
