«Միասնություն» դաշինքը վստահ է՝ Բյուրեղավանում համոզիչ հաղթանակ է տանելու․Սուրեն Սուրենյանց

«Երեկ «Արդար Հայաստան» կուսակցության անունից տարածվել է հայտարարություն այն մասին, թե իբրև Բյուրեղավան համայնքում «Դեմոկրատական այլընտրանք» ու ԲՀԿ կուսակցությունների ձևավորած «Միասնություն» դաշինքի համայնքապետի թեկնածու, գործող համայնքապետ Հակոբ Բալասյանը քաղաքական հաշվեհարդար է իրականացնում «Արդար Հայաստան» կուսակցության ցուցակով առաջիկա ՏԻՄ ընտրություններում առաջադրված Արմեն Սարգսյանի կնոջ՝ Բյուրեղավանի «ԱՐԵՎ» մանկապարտեզ նախադպրոցական ուսումնական հաստատություն ՀՈԱԿ-ի տնօրեն Էլինա Հայրապետյանի նկատմամբ:

Այսօր ես զրույցի էի հրավիրել Հակոբ Բալասյանին և հանգամանալից խոսակցության ընթացքում փաստերով պարզել եմ, որ քաղաքական հաշվեհարդարի որևէ դրսևորում գոյություն չունի, մանկապարտեզի տնօրենը նկատողության է արժանացել միանգամայն հիմնավոր պատճառներով: Ավելին, ձեռքիս տակ ունեմ հիմնավոր փաստեր, թե ինչպես է Բալասյանի մրցակցի(կամ նրա կնոջ կողմից) կողմից մանկապարտեզ նախադպրոցական ուսումնական հաստատությունն օգտագործվում ընտրական, քաղաքական նպատակներով, ինչն ոչ միայն ապօրինություն է, այլև կրթական հաստատությունը քաղաքական գործընթացների մեջ ներքաշելու արատավոր երևույթ:

Մեր մրցակիցները փորձում են արհեստական աղմուկի միջոցով, մի կողմից, քողարկել իրենց կատարած ապօրինությունը, մյուս կողմից՝ հանրային հետաքրքրություն հարուցել սեփական ընտրարշավի նկատմամբ:

ԲՀԿ-ի ու «Դեմոկրատական այլընտրանք» կուսակցության ձևավորված «Միասնություն» դաշինքը մրցակցային, օրինական ընտրությունների հիմնական ջատագովն է, որովհետև վստահ է որ` Հակոբ Բալասյանի ղեկավարությամբ, համոզիչ հաղթանակ է տանելու սեպտեմբերի 25-ի ընտրություններում»,-գրել է նա:

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fsurenyants%2Fposts%2Fpfbid0NgEG9F5eksU2JBKtVhy1PkuP3zabXb48bGDK1zkRg3NPqx1wYGJ1zbzHykVDKCL1l&show_text=true&width=500" width="500" height="769" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>