14:00-ի դրությամբ արձանագրված ընտրողների մասնակցության ցուցանիշները գրեթե 8 տոկոսով գերազանցում են 2021 թվականի խորհրդարանական ընտրությունների նույն ժամի տվյալները։ Քաղաքական գործընթացներին հետևող բազմաթիվ մասնագետներ վաղուց են նկատում, որ բարձր մասնակցությունը սովորաբար վկայում է հասարակության ներսում կուտակված պահանջների և փոփոխությունների ակնկալիքի մասին։ Հենց այս հանգամանքն էլ, ըստ մեր տեղեկությունների, լուրջ անհանգստություն է առաջացրել իշխանական շրջանակներում, որտեղ օրվա ընթացքում ուշադիր հետևում են մասնակցության դինամիկային։
Մեր աղբյուրների փոխանցմամբ՝ Քաղաքացիական պայմանագիր կուսակցության ներսում արդեն իսկ տիրում է լարված մթնոլորտ։ Ըստ ստացված տեղեկությունների՝ մի շարք ՔՊ-ական պատգամավորներ և իշխանության հետ սերտ կապ ունեցող անձինք շարժվել են դեպի հայ-վրացական սահման։ Աղբյուրները պնդում են, որ նրանք մտադիր են ընտրությունների արդյունքներին հետևել ոչ թե Երևանից, այլ սահմանամերձ հատվածից՝ պատրաստ լինելով արագ արձագանքել քաղաքական զարգացումներին։
Ըստ նույն աղբյուրների՝ իշխանության ներկայացուցիչների մի մասը լրջորեն դիտարկում է Հայաստանի տարածքը շտապ լքելու տարբերակը, եթե ընտրությունների արդյունքները հաստատեն իրենց համար անբարենպաստ սցենարը։ Թե որքանով կհաստատվեն այս տեղեկությունները, պարզ կլինի ընտրությունների արդյունքների հրապարակումից հետո։ Սակայն արդեն իսկ ակնհայտ է, որ ընտրողների անսպասելի բարձր ակտիվությունը փոխել է քաղաքական տրամադրությունները և իշխանության ներսում առաջացրել է զգալի անհանգստություն՝ ընտրությունների ելքի վերաբերյալ։
