Մեր տարածաշրջանը բախվում է իր պատմության ամենալուրջ փորձություններից մեկին։ Այս մասին Թուրքիայում ընթացող Անթալիայի 5-րդ դիվանագիտական ֆորումի բացման ժամանակ հայտարարել է
Թուրքիայի արտաքին գործերի նախարար Հաքան Ֆիդանը։
«Աշխարհը բախվում է բազմաթիվ ռիսկերի։ Ինչպես նշել է նախագահ Ռեջեփ Թայիփ Էրդողանը, ամենամեծ մարտահրավերը կարգուկանոնի բացակայությունն է, և դիվանագիտությունն անհրաժեշտ է ավելի
քան երբևէ։ Միջազգային համակարգում առկա ճգնաժամը մեր տարածաշրջանը դրել է իր պատմության ամենալուրջ փորձություններից մեկի առջև», – ընդգծել է Հաքան Ֆիդանը։
Ըստ թուրքական ԶԼՄ-ների՝ Անթալիայում կանցկացվի Թուրքիայի, Եգիպտոսի, Պակիստանի և Սաուդյան Արաբիայի արտաքին գործերի նախարարների երրորդ հանդիպումը։
Հանդիպումը տեղի կունենա ապրիլի 17-ին, Հաքան Ֆիդանի նախագահությամբ։
Սպասվում է, որ քննարկումները կկենտրոնանան «տարածաշրջանային խնդիրներ՝ տարածաշրջանային լուծումներ» սկզբունքի վրա՝ անդրադառնալով հիմնականում տարածաշրջանային հարցերին, այդ թվում՝ ԱՄՆ-ի և Իսրայելի կողմից Իրանի դեմ իրականացվող հարձակումներին։
