Իրանի նախագահ Մասուդ Փեզեշքիանը հայտնել է իր պատրաստակամությունը խոսելու ուսանող-ցուցարարների հետ։
«Մենք պատրաստ ենք արձագանքել համալսարանական բողոքի ցույցերի ժամանակ բարձրացված ուսանողների պահանջներին։ Բողոքի ցույցերը հասարակական կյանքի դինամիզմի նշան են, և մենք պատրաստ ենք այցելել համալսարաններ և անմիջականորեն շփվել ուսանողների հետ։ Մեր պարտականությունն է լսել ցուցարարներին և միջոցներ ձեռնարկել նրանց հարցերն ու խնդիրները լուծելու համար», - նշել է նա։
Ըստ նրա՝ կառավարության անդամները պետք է ներկա լինեն համալսարաններում և խթանեն երկխոսության մթնոլորտը։
