Մենք շնորհակալ ենք Հայաստանի կառավարությանն այս ագրեսիան դատապարտելու վճռական դիրքորոշման համար։ Այս մասին Երևանում կայացած մամուլի ասուլիսում հայտարարել է Հայաստանում Իրանի արտակարգ և լիազոր դեսպան Մեհդի Սոբհանին։
«Մենք մեր երախտագիտությունն ենք հայտնում Հայաստանի ազնիվ ժողովրդին իրենց համերաշխության և աջակցության համար։ Մենք զգում ենք հայ ժողովրդի հոգևոր աջակցությունը», - նշել է դեսպանը։
Ավելի վաղ, Հայաստանի արտաքին գործերի նախարարությունը հայտարարություն էր տարածել, որում ասվում էր, որ Երևանի պաշտոնական իշխանությունները դատապարտում են Իսրայելի հարձակումն Իրանի վրա և կոչ են անում «անհապաղ դադարեցնել ռազմական գործողությունները և պահպանել միջազգային իրավունքը»։
