Մենք հրադադար չենք ուզում, որպեսզի, այսպես ասած, թույլ չտանք Ուկրաինան շունչ քաշի և պատրաստվի պատերազմի շարունակությանը, հայտարարել է Պեսկովը՝ մեկնաբանելով Մերցի Սուրբ Ծննդյան զինադադարի գաղափարը։
«Այս պահին հարցն այն է, թե արդյոք մենք, ինչպես ասում է նախագահ Թրամփը, համաձայնության կհասնենք, թե՞ ոչ։ Մեր դիրքորոշումը հայտնի է, հետևողական, թափանցիկ և հասկանալի է ամերիկացիների համար։ Եվ, ընդհանուր առմամբ, այն հասկանում են նաև ուկրաինացիները։ Եթե ուկրաինացիների շրջանում գերիշխող դառնա համաձայնագիրը կարճաժամկետ, անկենսունակ լուծումներով փոխարինելու ցանկությունը, մենք, հավանաբար, պատրաստ չենք լինի մասնակցել։ Ահա թե ինչու ենք մենք խաղաղություն ուզում», - նշել է Ռուսաստանի նախագահի մամուլի քարտուղարը։
Հիշեցնենք, որ երեկ Բեռլինում Գերմանիայի կանցլեր Մերցը կոչ է արել ՌԴ-ին հայտարարել Սուրբ Ծննդյան զինադադար՝ համոզմունք հայտնելով, որ դա կարող է լինել մշտական հրադադարի նախերգանքը:
