ՌԴ Անվտանգության խորհրդի փոխնախագահ Դմիտրի Մեդվեդևը մեկնաբանել է Միջազգային քրեական դատարանի՝ ՌԴ նախագահ Վլադիմիր Պուտինի ձերբակալման օրդեր տալու վերաբերյալ որոշումը։
Նրա կարծիքով՝ ՄՔԴ որոշումը կհանգեցնի «միջազգային իրավունքի համար հրեշավոր հետեւանքների»։
«Եկեք խոստովանենք, որ դա նախկինում էլ առանձնապես արդյունավետ չի եղել: Հատկապես դրա միջազգային կառույցները», - գրել է Մեդվեդևը Telegram-ի իր ալիքում:
«Որոշել են դատել միջուկային գերտերության նախագահին, որը չի մասնակցում ՄՔԴ-ին, նույն հիմքերով, ինչ ԱՄՆ-ն և այլ երկրներըը»,- նշել է ՌԴ նախկին նախագահը։
«Պարզ է, որ գործնական արժեք չկա, բայց շնորհակալություն հիշելու համար: Իսկ ահա միջազգային իրավունքի հետևանքները հրեշավոր կլինեն: Ի վերջո, սա հիմքերի, իրավունքի սկզբունքների փլուզում է։ Միջազգային հարաբերությունների ողջ համակարգի մռայլ անկում է սպասվում: Վստահությունը սպառվել է»,-գրել է Մեդվեդևը։
ՄՔԴ-ի գրեթե զրոյական իշխանությունը «սպանվեց» արդեն այն ժամանակ, երբ դատարանը ոչինչ չկարողացավ անել ԱՄՆ-ի հանցագործությունները Աֆղանստանում և Իրաքում հետաքննելու համար, հիշեցրել է ՌԴ Անվտանգության խորհրդի փոխնախագահը։
Նրա կարծիքով, «ՄՔԴ դատավորները իզուր են խանդավառվել»՝ ձեռք բարձրացնելով «միջուկային գերտերության վրա»։
«Ավա՜ղ, պարոնայք, բոլորը քայլում են Աստծո և հրթիռների տակ: Միանգամայն հնարավոր է պատկերացնել Հյուսիսային ծովից՝ ռուսական նավից հիպերձայնային Օնիքս հրթիռի նպատակային օգտագործումը Հաագայի դատարանի վրա: Այն չի կարող խոցվել, ավաղ: Եվ դատարանը միայն թշվառ միջազգային կազմակերպություն է, ոչ թե ՆԱՏՕ-ի երկրների բնակչությունը, հետևաբար, նրանք պատերազմ չեն սկսի, նրանք կվախենան և ոչ ոք դրա համար չի զղջա»,- նկատել է ԱԽ փոխնախագահը՝ դատավորներին կոչ անելով «զգույշ լինել» և նայել երկինք»։
