Ամերիկացի ձեռնարկատեր Իլոն Մասկը կոչ է արել քվեարկել բրիտանական աջ պոպուլիստական Reform UK կուսակցության օգտին՝ ասելով, որ դա «միակ հույսն է»։
Ավելի վաղ կուսակցության առաջնորդ Նայջել Ֆարաջը Telegraph-ի համար հոդվածում գրել էր, որ Մասկի հետ հանդիպել է ԱՄՆ նախագահական ընտրություններում հաղթող Դոնալդ Թրամփի՝ Մար-ա-Լագոյի կալվածքում։ Reform UK-ի ղեկավարի խոսքով՝ իրենք քննարկել են բրիտանական կուսակցության ֆինանսավորման հարցը, և ձեռնարկատերը ոչ մի կասկած չի թողել Ֆարաջի ճամբարին աջակցելու հարցում։
«Քվեարկե՛ք Reform կուսակցության օգտին. Նա միակ հույսն է»,- գրել է Մասկը X սոցիալական ցանցում։
Դեկտեմբերի վերջին Ֆարաջն ասել է, որ Մասկը հսկայական օգնություն է ցուցաբերում բրիտանական աջ պոպուլիստական Reform UK կուսակցությանը քաղաքական պայքարում, հատկապես երիտասարդ ընտրազանգվածին ներգրավելու հարցում։
