ՄԱԿ-ը և Կարմիր խաչի միջազգային կոմիտեն (ICRC) կոչ են արել երկրներին ընդունել միջազգային կանոններ, որոնք կսահմանափակեն կամ կարգելեն ինքնավար զենքի համակարգերի («մարդասպան ռոբոտների») կիրառումը՝ նշելով, որ դրանց հետ կապված ռիսկերը շարունակում են աճել։
Համատեղ հայտարարության մեջ նշվում է, որ նման համակարգերը այլևս ապագայի տեխնոլոգիա չեն․ դրանց մշակումը արդեն ակտիվորեն ընթանում է, մինչդեռ միջազգային իրավական կարգավորումները չեն հասցնում տեխնոլոգիական զարգացումներին։ ՄԱԿ-ն ու Կարմիր խաչը հույս են հայտնում, որ նոյեմբերին Ժնևում կայանալիք բանակցությունները կդառնան կարևոր քայլ՝ ինքնավար զենքերի կիրառման վերաբերյալ պարտադիր միջազգային կանոնների ընդունման ուղղությամբ։
