Լիբիայի կառավարության նախարարը փրկվել է մահափորձից, երբ չորեքշաբթի օրը զինված անձինք կրակ են բացել մայրաքաղաք Տրիպոլիում նրա մեքենայի վրա, հայտնում է Reuters-ը՝ վկայակոչելով կառավարության հայտարարությունը։
Տրիպոլիում գտնվող Ազգային միասնության կառավարությունը (GNU) խստորեն դատապարտել է հարձակումը՝ ասելով, որ անհայտ խումբը կրակել է կառավարության գործերի պետնախարար Ադել Ջումայի մեքենայի վրա, ով մեքենան վարում էր մայրուղով:
Հայտարարության մեջ ասվում է, որ Ջումայի առողջական վիճակը կայուն է, և որ անվտանգության մարմինները «հետաքննություն են սկսել դեպքի հանգամանքները բացահայտելու և մեղավորներին հայտնաբերելու համար»:
Ազգային միասնության կառավարությունը վարչապետ Աբդուլ Համիդ ալ-Դբեյբեհի օրոք ստեղծվել է ՄԱԿ-ի կողմից աջակցվող գործընթացի միջոցով 2021 թվականին:
Նավթով հարուստ Լիբիան քաղաքական ցնցումների մեջ է եղել և 2011 թվականին ՆԱՏՕ-ի կողմից Մուամար Քադաֆիի տապալումից հետո բախումների մի քանի բռնկում է տեսել:
