Լևոն Սարդարյանն ազատվել է քաղաքապետարանի լրատվության վարչության պետի պաշտոնից:
Նա ֆեյսբուքյան իր էջում գրել է. «Ամեն ինչ ունի իր ժամանակը: Հիմա քարերը հավաքելու իմ ժամանակն է: Շնորհակալ եմ գործընկերներիս, որոնք այս մեկուկես տարվա ընթացքում դարձան ինձ հարազատագույն մարդիկ: Շնորհակալ եմ բոլոր լրագրողներին՝ անգամ նրանց, որոնց հետ գործակցությունը ակնկալվող մակարդակում չստացվեց: Շնորհակալ եմ իմ բոլոր ընկերներին ու ծանոթներին, որոնք այս ընթացքում, «խնայելով» ինձ, չստիպեցին ինձ մտնել անթույլատրելի դիսկուրսների դաշտ: Եվ, վերջապես, անչափ ուրախ եմ, որ գոնե փոքր-ինչ հանգստանալու հնարավորություն ստացա»:
