Լատվիայի իշխանություններն անորոշ ժամկետով արգելել են երկրի տարածքում Վրաստանի 55 քաղաքացիների մուտքը։
«Ես որոշեցի ավելացնել Վրաստանի ևս 55 քաղաքացու Լատվիայի Հանրապետության համար ոչ ցանկալի անձանց ցուցակում՝ համաձայն Ներգաղթի մասին օրենքի 61-րդ հոդվածի 2-րդ կետի», - X սոցիալական ցանցում գրել է Լատվիայի արտգործնախարար Բայբա Բրաժեն։
Այն Վրաստանի քաղաքացիների անունները, ովքեր ներառվել են ոչ ցանկալի անձանց ցուցակում, չեն հրապարակվում։ 2025 թվականի մարտին Լատվիան արգելել է 16 վրացիների մուտքը երկիր։
Լատվիան, Լիտվան և Էստոնիան առաջինն են հայտարարել Վրաստանի իշխանությունների նկատմամբ պատժամիջոցներ սահմանելու մասին, որն արվել է ի պատասխան եվրաինտեգրմանը աջակցող ցույցերի մասնակիցների նկատմամբ բռնությունների և ռեպրեսիաների։ Մասնավորապես, նրանք արգելել են օլիգարխ, պրոռուսական «Վրացական երազանք» կուսակցության հիմնադիր Բիձինա Իվանիշվիլիին և արդեն նախկին ներքին գործերի նախարար Վախթանգ Գոմելաուրիի մուտքը։
