ՀՀ իշխանությունները կոռուպցիայի մասին հայտնած քաղաքացիներին լրացուցիչ պաշտպանության միջոցներ կտրամադրեն։ Այս մասին Ազգային ժողովի նիստին «Նախազգուշացման համակարգի մասին» օրենքում եւ հարակից օրենքներում փոփոխություններ եւ լրացումներ կատարելու մասին օրինագծերի փաթեթի քննարկման ժամանակ ասաց ՀՀ արդարադատության փոխնախարար Երանուհի Թումանյանցը։
Այդպես, կոռուպցիոն խախտումների մասին ազդանշաններ կստացվեն ոչ միայն պետական, այլեւ քաղաքային, ինչպես նաեւ մասնավոր հաստատություններում եւ հանրային հետաքրքրություն ներկայացնող ընկերություններում։
«Այսինքն՝ պաշտպանությունը կտարածվի ոչ միայն պետական հատվածի աշխատողների, այլ նաեւ վերը նշված ընկերությունների եւ հիմնարկների աշխատողների վրա»,- պարզաբանեց Թումանյանցը։
Բացի այդ, հայտատուներին անմիջական ղեկավարության կողմից նրանց բացահայտման դեպքում իրավական պաշտպանություն կտրամադրվի։ Նրանք, ըստ փոխնախարարի, պաշտպանված կլինեն աշխատանքից հեռացումից, ինչպես նաեւ հնարավոր հարձակումներից եւ գույքի վնասումից։
Ընդ որում, պաշտպանությունը կտարածվի միայն բարեխիղճ դիմումատուների վրա: Խոսքը, մասնավորապես, այն քաղաքացիների մասին է, ովքեր բացառապես ճշմարտացի տվյալներ են ներկայացնում։ Իրազեկողի բարեխղճությունը կպարզվի իրավապահների կողմից։
