Կառավարությունը թվով 86 երիտասարդների ազատեց...

Կառավարությունն իր այսօրվա՝ հունվարի 26-ի նիստում 2 որոշում կայացրեց, որով ՀՀ մի շարք քաղաքացիների տարկետում տվեց շարքային կազմի պարտադիր զինծառայության 2022-ի ձմեռային զորակոչից:

Որոշման հիմնավորման մեջ նշվում է, որ նախագծում ընդգրկված ՀՀ քաղաքացիները սովորում են Հայաստանի և օտարերկրյա պետությունների հիմնական կրթության հիմքի վրա առանց ընդհատման միջին մասնագիտական եւ նախնական (արհեստագործական) կրթական ծրագրերով և չեն ավարտել ուսումնառությունը:

Խոսքը 86 երիտասարդների մասին է: Նրանք կուրսը կավարտեն մինչեւ հունիսի 30-ը: Բացառություն է կազմում Հրայր Արմենի Բարխոյը, որն ուսումը ավարտելու  է մինչև 2024 թվականի հունիսի 30-ը: