Բոլորի հետ եւ ամեն ինչի վերաբերյալ համագործակցության տարատեսակ փաստաթղթեր ստորագրելու ՀՀ ներկայացուցիչների քառատրոփ ակտիվությունը կարող է անսպասելի բարդ հետեւանքներ ունենալ այդ երկրի եւ նրա ժողովրդի համար։ Այս մասին իր թելեգրամ-ալիքում գրել է ՌԴ Դաշնության խորհրդի միջազգային գործերի կոմիտեի նախագահ Գրիգորի Կարասինը։
«Վախենում եմ, որ Հայաստանի ներկայացուցիչների քառատրոփ ակտիվությունը բոլորի հետ եւ ամեն ինչում համագործակցության վերաբերյալ տարբեր տեսակի պարտավորեցնող փաստաթղթերի ստորագրման հարցում կարող է անսպասելի եւ բարդ հետեւանքներ ունենալ այս երկրի եւ նրա ժողովրդի համար։
Հարցեր է առաջացնում նշված փաստաթղթերի մշակման լրջությունը եւ դրանց համապատասխանությունը այլ գործընկերների եւ միջազգային կազմակերպությունների հանդեպ Հայաստանի կողմից արդեն իսկ ստանձնած պարտավորություններին։ Դա ոչ վերջին հերթին վերաբերում է ԵԱՏՄ-ին եւ ՀԱՊԿ-ին։ Պատմությունից գիտենք, որ քաղաքականության մեջ ազարտը հաճախ բերում է բնավ ոչ սպասելի արդյունքների»,- գրել է նա։
