Միջազգային ատոմային էներգիայի գործակալությունը (ԱԷՄԳ) և դրա ղեկավար Ռաֆայել Գրոսսին զգալի ներդրում են ունեցել Զապորոժյեի ատոմակայանը սնուցող էլեկտրահաղորդման գծերի վերանորոգման ընթացքում հրադադարի ապահովման գործում: Այս մասին հայտարարել է «Ռոսատոմ»-ի գլխավոր տնօրեն Ալեքսեյ Լիխաչովը Կալինինգրադում Ռաֆայել Գրոսիի հետ հանդիպումից հետո՝ ТАСС-ի փոխանցմամբ:
Լիխաչովը նախկինում հայտնել էր, որ Զապորոժյեի ատոմակայանում իրավիճակը չի բարելավվում, և որ Ուկրաինայի զինված ուժերը թիրախավորում են Էներգոդարում բնակելի ենթակառուցվածքները և այլ օբյեկտներ։
Ավելին, նա նոյեմբերի 12-ին նշել է, որ Զապորոժյեի ԱԷԿ-ի «Դնեպրովսկայա» և «Ֆեռոսպլավնայա-1» բարձրավոլտ արտաքին էլեկտրահաղորդման երկու գծերի վերականգնումից հետո կայանում էլեկտրամատակարարման իրավիճակը կայունացել է: ԱԷՄԳ-ի միջնորդությամբ կայանի մոտակայքում տեղական հրադադար է հաստատվել դրանց վերանորոգումը հեշտացնելու համար:
Հիշեցնենք, որ այսօր Կալինինգրադում մեկնարկել է «Ռոսատոմ»-ի գլխավոր տնօրեն Ալեքսեյ Լիխաչովի և Ատոմային էներգիայի միջազգային գործակալության գլխավոր տնօրեն Ռաֆայել Գրոսիի հանդիպումը
