Իտալիայի վարչապետ Մարիո Դրագին կրկին հրաժարական է տվել կառավարության ղեկավարի պաշտոնից, հայտնել է երկրի նախագահի մամուլի ծառայությունը:
«Հանրապետության Նախագահ Սերջո Մատարելլան այսօր առավոտյան Քվիրինալի պալատում ընդունել է նախարարների խորհրդի նախագահ, պրոֆեսոր Մարիո Դրագիiն, որը երեկ Սենատի քննարկման և քվեարկության մասին հաղորդագրությունից հետո կրկին հայտարարել է իր հրաժարականի և կառավարության հրաժարականի մասին, որը նա ղեկավարում է: Հանրապետության նախագահը դա ընդունել է ի գիտություն։ Կառավարությունը շարունակում է պաշտոնավարել ընթացիկ հարցերը լուծելու համար»,- նշել են Քվիրինալի պալատում։
Դրագին պայման էր առաջադրել իր պաշտոնավարումը շարունակելու համար՝ հայտարարելով, որ պաշտոնում կմնա մասնատված կոալիցիայի վերամիավորումից հետո:
Ավելի վաղ Իտալիայի վարչապետ Մարիո Դրագին հայտարարել էր, որ հրաժարական կտա կառավարության ղեկավարի պաշտոնից:
Հրաժարականի պատճառը իշխող կոալիցիայի կուսակցություններից մեկի՝ «5 աստղերի շարժումը», որը մինչ վերջերս դրա հիմքն էր կազմում, հրաժարվելն էր մասնակցել Իտալիայի խորհրդարանի Վերին պալատում կառավարության վստահության քվեարկությանը:
Ըստ Դրագիի` դրա արդյունքները ցույց են տվել, որ «ազգային մեծամասնությունը, որն ի սկզբանե աջակցում էր կառավարությանը, այլևս չկա»:
Իտալիայի նախագահ Սերջիո Մատարելլան չի ընդունել վարչապետ Մարիո Դրագիի հրաժարականը, հայտնել է նախագահի գրասենյակը:
