Իսրայելը հավատարիմ է Գազայի հատվածում հրադադարի համաձայնագրին և չի հանդուրժի պաղեստինյան արմատական ՀԱՄԱՍ շարժման հնարավոր սադրանքները։ Այս մասին ճեպազրույցում հայտարարել է Իսրայելի բանակի պաշտոնական ներկայացուցիչ Դանիել Հագարին՝ ընդգծելով, որ զինվորականները պատրաստ են ցանկացած պահի վերսկսել ռազմական գործողություններն անկլավում։
Նա հիշեցրել է, որ ՀԱՄԱՍ-ի ներկայացուցիչները զինադադարի համաձայնագրի առաջին օրը նախատեսված ժամին չեն հանձնել ժամանակին ազատ արձակված պատանդների առաջին խմբի ցուցակը։
«Այսօր առավոտյան ՀԱՄԱՍ-ը չկատարեց իր պարտավորությունները և չհանձնեց վերադարձած առևանգվածների ցուցակը՝ համաձայն պայմանավորվածությունների: Մենք հարձակվեցինք Գազայի հատվածում գտնվող շենքերի և ահաբեկիչների վրա, և հրադադարը եղավ ավելի ուշ: Մենք չենք հետևի հրադադարին՝ պայմանավորվածությունների ցանկացած խախտման դեպքում, ինչպես մենք ցույց տվեցինք այսօր առավոտյան»,- ասել է Հագարին։
