Իրանը ողջունում է Լիբանանի և Իսրայելի միջև հրադադարի համաձայնագիրը, բայց միևնույն ժամանակ կշարունակի ամենայն աջակցություն ցուցաբերել Լիբանանի ժողովրդին և երկրի դիմադրության ուժերին։ Այս մասին ասվում է Իսլամական Հանրապետության արտաքին գործերի նախարարության հայտարարության մեջ, որը տեղադրված է գերատեսչության Telegram ալիքում։
«Արտաքին գործերի նախարարության խոսնակ [Էսմայիլ Բաղայը] ողջունում է Լիբանանի դեմ Սիոնիստական ռեժիմի (Իսրայելի) ագրեսիայի ավարտի մասին լուրը, սակայն ընդգծում է Իսլամական Հանրապետության շարունակական դիրքորոշումը՝ աջակցելու կառավարությանը, ժողովրդին և լիբանանյան դիմադրությանը»,- ասվում է տեքստում։
