Իրանի Իսլամական Հանրապետությունը պաշտոնապես դիմել է ՄԱԿ-ի Անվտանգության խորհրդին` ԱՄՆ-ի և Իսրայելի կողմից դիվերսիոն գործունեությունը դադարեցնելու կոչով:
ՄԱԿ-ում Իրանի մշտական ներկայացուցիչ Ամիր Սաիդ Իրավանին համապատասխան նամակ է հղել կազմակերպության գլխավոր քարտուղար Անտոնիո Գուտերեշին և Անվտանգության խորհրդի նախագահ Աբուկար Դահիր Օսմանին։
«Իրանը կոչ է անում Անվտանգության խորհրդին պահանջել, որ Միացյալ Նահանգները և Իսրայելի ռեժիմը անհապաղ դադարեցնեն իրենց ապակայունացնող քաղաքականությունն ու գործելակերպը և լիովին կատարեն միջազգային իրավունքի համաձայն իրենց պարտավորությունները», – ասվում է փաստաթղթում։
Այնտեղ նաև ասվում է, որ Թեհրանը կոչ է անում ՄԱԿ-ի Անվտանգության խորհրդին դատապարտել բռնության հրահրումը և ուժի կիրառման սպառնալիքները Միացյալ Նահանգների կողմից։
