Իրանական լրատվամիջոցները գրում են, որ Իսլամական հեղափոխության պահապանների կորպուսի ռազմածովային ուժերի հրամանատար ծովակալ Ալիռեզա Թանգսիրիի հրամանով երկրի հարավում գտնվող ռազմածովային և հրթիռային ստորաբաժանումները մարտական պատրաստության են բերվել՝ «ցանկացած թշնամական գործողության» արձագանքելու համար։
ԻՀՊԿ թեւավոր հրթիռներն ունակ են խոցել թիրախները մինչև 2500 կիլոմետր հեռավորության վրա։
Անցյալ շաբաթ ԱՄՆ-ի և Իսրայելի ռազմաօդային ուժերի համատեղ զորավարժությունները ցույց են տալիս, որ Իրանի դեմ ռազմական գործողություն կարող է սկսվել, նշում են իրանական ԶԼՄ-ները:
Նշվում է, որ ԱՄՆ կենտրոնական հրամանատարության (CENTCOM) հաղորդագրության համաձայն, զորավարժությունների ընթացքում իսրայելական F-15I և F-35 Adir կործանիչները համատեղ զորավարժություններ են անցկացրել Արաբական թերակղզու վրա ամերիկյան B-52H Stratofortress ռազմավարական ռմբակոծիչների հետ։
