Իսրայելն ընդունել է պարտությունը եւ կապիտուլացվել է պաղեստինյան արմատական ՀԱՄԱՍ շարժման կողմից՝ համաձայնելով Գազայի հատվածում հրադադարի համաձայնագրին։ Այսպիսի կարծիք է հայտնել Իրանի ԶՈւ Գլխավոր շտաբի պետ, գեներալ-լեյտենանտ Մոհամադ Բաղերին։
«Սիոնիստները (նկատի ունի Իսրայելի իշխանություններին) խոստովանել են, որ այլ ելք չունեն կապիտուլացվելուց եւ հրադադարի համաձայնելուց բացի։ «Դիմադրության առանցքը» հաստատակամորեն դիմակայել է այս փորձությանը եւ հրադադար պարտադրել թշնամուն, եւ մենք ականատես եղանք սիոնիստների կապիտուլյացիային իսլամի մարտիկների երկաթյա կամքի առջեւ»,- Բաղերիի խոսքերը մեջբերել է Իրանի ՊՆ մամուլի ծառայությունը։
Իրանամետ «Դիմադրության առանցքի» մեջ են մտնում պաղեստինյան ՀԱՄԱՍ եւ «Իսլամական ջիհադ» արմատական խմբավորումները, լիբանանյան շիական «Հեզբոլլահ» կազմակերպությունը, Իրաքի իսլամական դիմադրության աշխարհազորը եւ Եմենի հութիների «Անսար Ալլահ» ապստամբական շարժումը։
