Իրանի սահմանապահ ուժերը լայնածավալ զորավարժություններ են սկսել երկրի հարավային ջրերում՝ ծովային մաքսանենգության և ծովահենության դեմ պայքարում ուժերի կարողությունները բարելավելու նպատակով, հայտնում է Mehr-ը։
Զորավարժությունները, որոնք կոչվում են Մոհամմադ Ռասուլոլլահի տարածաշրջանային ծովային զորավարժություններ, սկսվել են չորեքշաբթի ծովափնյա նավահանգստային Բանդար Աբաս քաղաքում տեղի ունեցած արարողության ժամանակ Իրանի ոստիկանության պետ, բրիգադի գեներալ Ահմադ Ռեզա Ռադանի ներկայությամբ:
Զորավարժություններն ընդգրկելու են Պարսից ծոցում և Օմանի ծովում գտնվող լայն տարածք և կներգրավեն Բուշեհրի, Հորմոզգանի, Չաբահարի և Քեշմի բազաներում տեղակայված ծովային սահմանապահ ուժերը:
Զորավարժությունները նպատակաուղղված են լինելու Իրանի սահմանապահ ուժերի մարտունակության բարձրացմանը և տարածաշրջանում Իրանի ծովային սահմանների երկայնքով անվտանգության բարելավմանը:
