Նախկինում յուրաքանչյուր շաբաթ Իրանի և Երևանի միջև 20 թռիչք էր իրականացվում, այս պահի դրությամբ այդ թռիչքները չեն իրականացվում: Այն բոլոր քաղաքացիները, որոնք ցանկանում էին Հայաստան այցելել, բնականաբար, նրանք արդեն իսկ պետք է ցամաքային եղանակով Հայաստան գան, և դա բնական է: Այդ մասին ասուլիսի ժամանակ հայտարարեց Իրանի դեսպան Մեհդի Սոբհանին՝ անդրադառնալով ուղևորափոխադրումների և բեռնափոխադրումների վրա Իրան-Իսրայել բախման հետևանքներին:
«Յուրաքանչյուր օր 2 երկրների միջև 600 բեռնատար ավտոմեքենա է փոխադրում իրականացնում: Բայց իմ տվյալներով՝ ավտոբուսների շարժը շատ նվազել է: Այդ պահի դրությամբ իրանցիներին Իրան փոխադրելու հարցում մենք ավտոբուսի խնդիր ունենք, և հայկական ավտոբուսներից ենք օգտվում այդ հարցը կարգավորելու համար: Հենց երեկ երեկոյան 30 արվեստագետ Մոսկվայից Հայաստան է եկել, և մենք փորձում էինք իրանական ավտոբուսներով նրանց Իրան փոխադրել, սակայն այդ հնարավորությունը չկար: Հայկական ավտոբուսներից ենք օգտվել այդ հարցը կարգավորելու համար»,- ասաց դեսպանը:
