Ես զարմանում եմ այն մարդկանց վրա, որոնք մշտապես փորձել են, հիմա էլ են փորձում իմփիչմենթը հակադրել ընտրություններին: Այս մասին դատարանի բակում, լրագրողների հետ զրույցում ասել է ՀՀ երրորդ նախագահ Սերժ Սարգսյանը:
«Տասն անգամ ասել ենք, հիմա տասնմեկերորդ անգամ ասենք՝ անկախ որևէ հանգամանիքից, իմփիչմենթ լինի թե չլինի, ընտրություններ լինելու են: Դրանք հերթական ընտրություններ են, որ կարող են հետաձգվել միայն եզակի դեպքերում:
Մեր որոշումը, մեր հայտարարությունը միասնության մասին է: Մենք ասում ենք՝ իմփիչմենթը նաև ճգնաժամ հանգուցալուծելու գործիք է, եկեք փորձենք: Եթե ասում են՝ չի լինի, հիմա ինչ փորձենք և այլն, իրենք, ամենայն հավանականությամբ, նմանվում են ՀՀ այսօրվա կառավարիչներին, ովքեր ասում են՝ դե մենք թույլ ենք, Ադրբեջանն ինչ ուզում է՝ տանք»,- նշել է նա:
Խոսելով գալիք ընտրությունների մասին՝ Սարգսյանն ասել է.
«Եթե խոսքը գնում է մեր՝ ընտրություններին մասնակցելու մասին, ապա մենք որոշում ենք կայացնելու ելնելով նրանից, թե մեր կայացրած որոշումը որքան է արդյունավետ լինելու ՀՀ գործող կառավարիչների դեմ պայքարում»:
