Սուպերլցանավը բռնկվել է Հորմուզի նեղուցում՝ երկու ծովային ականի հետ բախվելուց հետո, այն փորձել է անօրինական կերպով անցնել ծովային ուղով, հայտարարել են Իսլամական հեղափոխության պահապանների կորպուսի (ԻՀՊԿ) ներկայացուցիչները, փոխանցել է Tasnim-ը։
«Մի քանի ժամ առաջ սուպերլցանավը, որը խախտել էր կանոնները և փորձում էր անօրինական ճանապարհով անցնել Հորմուզի նեղուցի հարավային հատվածում, բռնկվել է երկու ծովային ականի հետ բախվելուց հետո և ամբողջությամբ կանգ է առել»,- նշվել է զինվորականների հայտարարության մեջ։
ԻՀՊԿ ռազմածովային ուժերի կողմից անցման և տեղաշարժի համար սահմանված կանոնների պահպանումը պարտադիր է, ընդգծել են կորպուսի ներկայացուցիչները։ «Նավագնացությամբ զբաղվող ընկերությունները չպետք է տրվեն ամերիկյան բանակի սադրանքներին <...> և չպետք է իրենց անձնակազմերի գույքն ու կյանքը ենթարկեն չարդարացված ռիսկի»,- զգուշացրել են զինվորականները։
