Հնդկական նավթավերամշակման գործարանները ԱՄՆ պատժամիջոցներից ժամանակավոր ազատման շրջանակում գնված իրանական նավթային բեռների համար վճարումները կատարում են չինական յուանով՝ ICICI Bank-ի միջոցով, դրա մասին Reuters-ին հայտնել են իրավիճակին ծանոթ չորս աղբյուրներ։
Հնդկաստանը միաժամանակ թույլատրել է իրանական նավթ տեղափոխող չորս նավերի կանգառ կատարել Reliance Industries մասնավոր նավթավերամշակման գործարանների մոտ։ Աղբյուրները անցյալ շաբաթ հայտնել են, որ MT Felicity-ն ներկա դրությամբ արդեն բեռնաթափվել է։
Երկու նավթավերամշակման գործարաններն էլ վճարումներ են կատարում ICICI-ի միջոցով, որն իր հերթին չինական յուանով փոխանցումներ է կատարում իր Շանհայի մասնաճյուղի միջոցով։
Ըստ երկու աղբյուրների՝ IOC ընկերությունը վճարել է բեռի արժեքի մոտավորապես 95%-ը՝ մատակարարի պատրաստության մասին ծանուցման հիման վրա, ինչը ցույց է տալիս, որ բեռնված նավթատար լցանավը մտել է Հնդկաստանի տարածքային ջրեր։ Աղբյուրներից մեկը դա անսովոր երևույթ է անվանել։
