Հայաստանի Հանրապետությունում պետք է ի վերջո հաստատվի համընդհանուր և համատարած արդարության զգացում: Այս մասին կառավարության նիստի ժամանակ, ներկայացնելով ՔԿ նորանշանակ նախագահին, ասաց վարչապետ Նիկոլ Փաշինյանը:
«Արդարություն և արդարադատություն հասկացությունները պետք է լինեն համարժեք, որովհետև նաև որոշակի քննարկումներ կան այդ մասին, թե ինչքանով է արդարությունը և արդարադատությունը նույն բանը:
Մեր քաղաքական դիրքորոշումն այն է, որ Հայաստանի Հանրապետությունում արդարությունը և արդարադատությունը պետք է լինեն նույնական, և իհարկե, դա միայն Քննչական կոմիտեի լուծելի խնդիրը չէ, բայց ակնհայտորեն Քննչական կոմիտեն մեծ դերակատարում ունի այս հարցում և ձեզ, մեզ բոլորիս հաջողություն եմ մաղթում այս հարցում»,- ասաց Փաշինյանը։
