2024թ. Հայաստանի մաքսային մարմինները հավաքագրել են մոտ 15 տոկոսով պակաս հարկեր եւ տուրքեր, քան 2023թ.։ Այս մասին հունիսի 9-ին հայտնել է Պետական եկամուտների կոմիտեի ղեկավար Էդուարդ Հակոբյանը մշտականխորհրդարանական հանձնաժողովների համատեղ նիստում, «ՀՀ 2024թ. պետականբյուջեի կատարման մասին» հաշվետվության քննարկման ժամանակ։ Ընդհանուր առմամբ, ինչպես նշել է գերատեսչության պետը, 2024թ. հարկերի եւ տուրքերի գծով հավաքագրվել է 2 տրլն 391 մլրդ դրամ։ Սա 7.6 տոկոսով ավելի է, քան 2023թ.։ Հարկային ծառայությունը գրանցել է մոտ 11 տոկոս աճ, իսկ մաքսային ծառայությունը՝ 15 տոկոս անկում։ «Մաքսային եկամուտների անկումը պայմանավորված է ներմուծվող ավտոմեքենաների եւ ծխախոտի ծավալի կրճատմամբ։ Համապատասխանաբար, նրանցից գանձվող հարկերի չափը նույնպես նվազել է»,- բացատրել է Հակոբյանը։ Նրա խոսքով՝ 2023թ. ավտոմեքենաների ներմուծման մակարդակը շատ բարձր է եղել։ 2022թ. համեմատ այն աճել է գրեթե 2 անգամ։ Պաշտոնյան նշել է, որ այստեղ նվազումը հիմնականում պայմանավորված է երկու գործոնով։ «Նախ՝ 2024թ. հոկտեմբերի 1-ից Ռուսաստանում մեքենաների ուտիլիզացիոն վճարը բարձրացվել է՝ 70-ից մինչեւ 85 տոկոսի։ Ընդ որում՝ 2025-2030թթ. դրույքաչափը կշարունակի աճել։ Երկրորդ՝ հարեւան Վրաստանում սահմանափակող միջոցառումներ են ձեռնարկվել»,- ավելացրել է Էդուարդ Հակոբյանը՝ չմանրամասնելով, սակայն, թե հատկապես որոնք։
