Փետրվարի 20-ին Հայաստանում իր աշխատանքը կսկսի ԵՄ առաքելությունը, որի կազմում կընդգրկվեն Ֆրանսիայից ժամանած 8 ժանդարմներ։
Այդ մասին ասել է Եվրախորհրդարանի ֆրանսիացի պատգամավոր Նատալի Լուազոն։ «Այդ օրը ես Հայաստանում եմ լինելու։ Ես ողջունում եմ առաքելության նկատմամբ Հայաստանի աջակցությունը և նրա հետ համագործակցությունը»,- ասել է նա։
Ֆրանսիացի գործիչը հույս է հայտնել, որ Ադրբեջանը բարեխղճորեն կհամագործակցի առաքելության հետ։
