ՀՀ ճանապարհային անվտանգության բարելավման ծրագրի շրջանակներում «Ճանապարհային դեպարտամենտ» հիմնադրամի կողմից հայտարարվել է Մ-4, Մ-6, Մ-14 և Մ-16 միջպետական ճանապարհների 4 վթարավտանգ հատվածների ճանապարհային անվտանգության և ենթակառուցվածքների բարելավման աշխատանքների ձեռքբերման մրցույթ։
«Ճանապարհային դեպարտամենտ» հիմնադրամից հայտնում են, որ աշխատանքները պետք է իրականացվեն մանրամասն նախագծին և տեխնիկական բնութագրերի պահանջներին համապատասխան, որոնք հանդիսանում են պատվիրատուի կողմից տրամադրվող մրցութային փաստաթղթերի անբաժան մաս:
Հայտերի ընդունման վերջնաժամկետն է սույն թվականի հոկտեմբերի 25-ը՝ ժամը 16.00։
Լրացուցիչ տեղեկություն կարելի է ստանալ հետևյալ հղումով:
