Թուրքիայի արտգործնախարար Հաքան Ֆիդանն Անթալիայում դիվանագիտական ֆորումի բացման արարողության ժամանակ խոսել է հայ-ադրբեջանական հարաբերությունների կարգավորման գործընթացի մասին։
Նրա խոսքով՝ «Հայաստանն ու Ադրբեջանը շատ մոտ են հարաբերությունների կարգավորմանը»։
Թուրքիայի արտգործնախարարը նշել է, որ դա տեղի է ունենում տարածաշրջանային նախաձեռնությունների շնորհիվ։
Հաքան Ֆիդանի խոսքով՝ «միջազգային իրավունքը չի կարող լուծում գտնել նման հակամարտությունների համար»։
Նա ընդգծել է նաև, որ «Թուրքիան ակտիվ և դրական ջանքեր է գործադրում բազմաթիվ հակամարտությունների և խնդիրների լուծման համար»։
