Բարձր տեխնոլոգիական արդյունաբերության նախարար Վահագն Խաչատրյանը վստահ է, որ մենք մեր տարածքները չենք զիջելու, գնալու ենք սահմանազատման․«ՀՀ 29.8 հազար քառակուսի կիլոմետր տարածքից ոչ մի սանտիմետր չի հանձնվելու»,-ասաց նախարարը լրագրողների հետ ճեպազրույցի ընթացքում։
«Առանձնահատուկ խնդիրներ ունենք ռազմաարդյունաբերական համալիրի հետ կապված: Վարչապետի կողմից հստակ առաջադրանք կա, որ մենք պետք է զարկ տանք տեղական արտադրությանը հատկապես ռազմական բնագավառում: Բավականին սերտ համագործակցում ենք մասնավոր արտադրողների հետ, ինքս եղել եմ մի քանի արտադրողների մոտ։ Մի քանի ընկերություններ կան, որոնք ԱԹՍ-ների արտադրության գործնական փուլ են մտել, արդյունքներ արդեն կան: 8 ընկերություններ իրենց միջոցներով են նախաձեռնել նախապատրաստական փուլը, նույնիսկ արտադրական, փորձարկման: Մեր կողմից միանշանակ աջակցություն կա: Իմ տեղեկություններով՝ ՊՆ-ն պատրաստ է այսօր իր սպառազինության մեջ ներգրավել մեր տեղական արտադրանքը, եթե դրանք կարող են մատակարարվել»,-ասաց նախարարը՝ խոսելով իր ղեկավարած կառույցի գործունեությունից։
