Հարավային Կորեայի նախագահ Յուն Սոկ Յոլը, որի լիազորությունները դադարեցվել են իմփիչմենթի հետեւանքով, հերքում է ապստամբության մեղադրանքները, բայց պատրաստ է համագործակցել քննության հետ։ Այս մասին տեղեկացրել է Yonhap գործակալությունը՝ հղում կատարելով Յուն Սոկ Յոլի իրավաբաններին։
Նա նաեւ մտադիր է իր դիրքորոշումը ներկայացնել դատարանի լսումներում, եթե դրանք բաց լինեն։ Յուն Սոկ Յոլի փաստաբանները չեն կարողացել պատասխանել, թե արդյոք նա դեկտեմբերի 21-ին դատախազություն կներկայանա՝ հարցաքննության։ Դեկտեմբերի 15-ի հարցաքննությանը նա չի եկել։
