Բելառուսի արտգործնախարար Վլադիմիր Մակեյը հայտարարել է, որ ՀԱՊԿ երկրները լիովին չեն օգնում Մինսկին դիմադրել արտաքին ճնշմանը։
«Մենք միշտ հանդես ենք եկել բոլոր վեճերի և հակամարտությունների խաղաղ կարգավորման օգտին, այն բանի համար, որ եթե կազմակերպություն ես ստեղծում, այն պետք է արդյունավետ գործի, որպեսզի օգնենք միմյանց, այդ թվում՝ միջազգային ասպարեզում, երբ անհիմն ճնշում է գործադրվում մեկ կամ մյուս երկրի վրա, որը մենք, ցավոք սրտի, Բելառուսի հետ կապված հիմա, անկեղծորեն կասենք, չենք տեսնում, բայց դիրքորոշումը հիմնովին չի փոխվում»,-ասել է նախարարը STV հեռուստաալիքի եթերում գագաթնաժողովի նախօրեին։ Այս մասին հայտնում է Ռիա Նովոստին:
Միաժամանակ, ըստ նրա, մոտեցումները փոխվում են՝ կախված այն իրավիճակից, որը ձևավորվում է տարածաշրջանում և ամբողջ աշխարհում։
«Մենք պետք է դա հաշվի առնենք: Մենք այդ մասին խոսում ենք բաց և անկեղծ: Մենք բացարձակապես բաց ենք անկեղծ երկխոսության համար մեր կազմակերպության հետագա զարգացման ուղիների վերաբերյալ»,- ընդգծել է նախարարը:
Մակեյի խոսքով՝ ցանկացած կազմակերպություն ենթարկվում է որոշակի ճգնաժամերի՝ կախված միջազգային իրավիճակի զարգացումից։
«Չէի ասի, որ կազմակերպությունը ճգնաժամային ժամանակներ է ապրում, բայց կան որոշակի խնդրահարույց պահեր, թեև ես ներկայացնում եմ ԱԳՆ-ն, բայց եթե դիվանագիտական լեզվով խոսենք այս իրավիճակում առկա խնդիրների մասին, ապա ոչ մի դրական արդյունքների չենք հասնի, ուստի պետք է քննարկել այն խնդիրները, որոնք կան և փորձել գտնել դրանց լուծման հայեցակարգ»,- ասել է նախարարը։
