ՀԱՄԱՍ-ը Գազայի Կարմիր Խաչին է հանձնել ևս 8 պատանդի՝ 3 իսրայելցու և Թաիլանդի հինգ քաղաքացու, որոնք ազատ են արձակվել խմբավորման և Իսրայելի միջև կնքված հրադադարի շրջանակում: Ըստ իսրայելական կողմի՝ նրանք արդեն գտնվում են Իսրայելի տարածքում։ Այս մասին գրում է bbc.com-ը:
8 պատանդների դիմաց նախատեսվում էր ազատ արձակել 110 պաղեստինցի բանտարկյալների։ Սակայն հինգշաբթի կեսօրին Իսրայելը հրամայել է պաղեստինցի բանտարկյալներով բեռնված ավտոբուսներին վերադառնալ բանտեր «մինչև հետագա ծանուցումը»:
Հետաձգման պատճառը դեռ հայտնի չէ։
ՀԱՄԱՍ-ի մոտ գտնվող պատանդների այսօրվա ազատ արձակումը տեղի է ունեցել քաոսային վիճակում, թղթակիցները հայտնել են Խան Յունիսում հրմշտոցի մասին: Իսրայելի վարչապետ Բենիամին Նեթանյահուն Խան Յունիսում տեղի ունեցած տեսարանները «ապշեցնող» է որակել։
