Գերմանիայի կանցլեր Ֆրիդրիխ Մերցը հոկտեմբերի 29-ին պաշտոնական այցով ժամանում է Հարավային Կորեա, որտեղ նախատեսված են բանակցություններ նախագահ Լի Ջե Մյոնի հետ։
Yonhap գործակալության փոխանցմամբ՝ կողմերը քննարկելու են ռազմական արդյունաբերության, սպառազինությունների արտադրության, կիսահաղորդիչների, մարտկոցների և արհեստական բանականության ոլորտներում համագործակցության խորացումը։
Մերցի այցին մասնակցում է նաև գերմանական գործարար պատվիրակությունը։
Սա Գերմանիայի կանցլերի առաջին պաշտոնական այցն է Հարավային Կորեա վերջին երեք տարվա ընթացքում։
Բանակցությունների օրակարգում ընդգրկված են նաև տարածաշրջանային անվտանգությունը և միջազգային քաղաքական զարգացումները։
