Ռուսաստանը մտահոգված է, որ ԵՄ առաքելությունը Ադրբեջանի հետ սահմանին կարող է մշտական դառնալ Հայաստանի հավանությամբ, հայտարարել է ՌԴ ԱԳՆ ղեկավարի տեղակալ Միխայիլ Գալուզինը, փոխանցում է «ՌԻԱ Նովոստին»։
Նրա խոսքով, հիմքեր կան նաև ենթադրելու, որ արևմտյան երկրները Հայաստանում ԵՄ առաքելության ընթացքում հետախուզական տվյալներ են հավաքում ռուսական օբյեկտների, ինչպես նաև Հայաստանին հարևան բոլոր պետությունների վերաբերյալ։
«Մենք նաև մտահոգված ենք, որ Երևանի հավանությամբ առաքելությունը ոչ միայն ընդլայնվում է, այլ սպառնում է ժամանակավորից դառնալ մշտական»,- ասել է նա։
Մարտին Հայաստանի խորհրդարանը վավերացրեց Եվրամիության հետ 2023 թվականի նոյեմբերին ստորագրված համաձայնագիրը Ադրբեջանի հետ սահմանին ԵՄ առաքելության կարգավիճակի մասին, որը դիտորդներին տալիս է անձեռնմխելիություն և արտոնություններ։
Գալուզինը նշել է, որ Հայաստանում ԵՄ առաքելությունում Կանադայի ներկայացուցիչների հայտնվելը դե ֆակտո նշանակում է ՆԱՏՕ-ի սողացող ներթափանցում Հարավային Կովկաս։
«Ինչպես գիտեք, այս տարվա ապրիլին Կանադայի ներկայացուցիչները հայտնվեցին առաքելության շրջանակներում, ինչը դե ֆակտո նշանակում է ՆԱՏՕ-ի սողացող ներթափանցում Հարավային Կովկաս»,- ասել է Գալուզինը։
Նա նշել է, որ ռուսական կողմը մշտապես բարձրացնում է ԵՄ առաքելության թեման Երեւանի եւ տարածաշրջանային այլ գործընկերների հետ շփումներում
