Ֆրանսիայում կենսաթոշակային բարեփոխումների օրենքը, որը կենսաթոշակային նվազագույն տարիքը 62-ից կբարձրացնի 64-ի, ուժի մեջ կմտնի այս աշնանը: Այս մասին հայտարարել է Ֆրանսիայի նախագահ Էմանուել Մակրոնը հանրապետության քաղաքացիներին ուղղված իր ուղերձում։
«Այս օրենքով նախատեսված փոփոխություններն ուժի մեջ կմտնեն այս տարվա աշնանից»,- ասաց նա։
Մակրոնն անհրաժեշտ է անվանել բարեփոխումները և հավելել, որ դա կօգնի «երաշխավորել բոլորի կենսաթոշակը և ավելի շատ օգուտներ ստեղծել պետության համար»։
Միաժամանակ Ֆրանսիայի ղեկավարը ափսոսանք է հայտնել, որ իշխանությունները և արհմիությունները չեն կարողացել համաձայնության գալ կենսաթոշակային համակարգի բարեփոխման շուրջ։ «Չնայած ամիսներ տեւած բանակցություններին, կոնսենսուս ձեռք չի բերվել, և ես ցավում եմ դրա համար: Մենք պետք է սրանից դասեր քաղենք»,- ասել է Մակրոնը։
