Ֆրանսիայի Ազգային ժողովի (խորհրդարանի ստորին պալատ) փոխնախագահ Կլեմանս Գետեն ձախակողմյան «Չհնազանդված Ֆրանսիա» կուսակցությունից հայտնել է, որ ներկայացրել է բանաձեւ, որով կոչ է անում Ֆրանսիային դուրս գալ ՆԱՏՕ-ից։
«Ֆրանսիայի մասնակցության հարցը Հյուսիսատլանտյան պայմանագրի կազմակերպությանը՝ ռազմական դաշինք, որը գլխավորում է Միացյալ Նահանգները եւ նրան սպասարկողները, ավելի հրատապ է, քան երբեւէ։ Ես ներկայացնում եմ բանաձեւ՝ ՆԱՏՕ-ից դուրս գալը պլանավորելու համար»,- հինգշաբթի գրել է Գետեն Х սոցցանցի իր էջում։
Գետեն քննադատել է ԱՄՆ գործողությունները Վենեսուելայի նախագահ Նիկոլաս Մադուրոյի դեմ եւ Գրենլանդիան բռնակցելու ծրագիրը։ Նա նաեւ քննադատել է Վաշինգտոնի աջակցությունն Իսրայելին Գազայի հատվածում հակամարտության ժամանակ։
