Երկու հայ գիտնականներ՝ Գևորգ Թոփչյանը և Արամ Ոսկանյանը, գիտության և տեխնիկայի ոլորտում արժանացել են Ռուսաստանի կառավարության 2025 թվականի մրցանակների։ Այս մասին հայտնում է ՌԴ կառավարության ղեկավարի մամուլի ծառայությունը, փոխանցում է Սպուտնիկ Արմենիան։
Մրցանակին արժանացել է «Ատոմէներգոպրոյեկտ» ընկերության գլխավոր տնօրեն, տեխնիակական գիտությունների թեկնածու Ռուբեն Թոփչյանը՝ ԱԷԿ-2006 բարձր հզորության ատոմակայանի նախագծի մշակման և ներդրման համար։
Լյարդի ալվեոկոկոզի բուժման նոր ռազմավարության և նորարարական վիրաբուժական տեխնոլոգիաների մշակման համար մրցանակ է շնորհվել ՌԳԱ թղթակից անդամ, պրոֆեսոր, բժշկական գիտությունների դոկտոր, ՌԴ Բժշկական և կենսաբանական դաշնային գործակալության Ա.Ի. Բուռնազյանի անվան դաշնային բժշկական կենսաֆիզիկական կենտրոնի վիրաբուժության և փոխպատվաստման կենտրոնի ղեկավար Սերգեյ Ոսկանյանին։
Մրցանակը ավանդաբար շնորհվում է գիտատեխնիկական ոլորտում ունեցած նշանակալի նվաճումների, նորարարությունների ներդրման, առաջադեմ տեխնոլոգիաների մշակման և հիմնարար և կիրառական հետազոտություններում ունեցած ներդրման համար: 2025 թվականի դափնեկիրների թվում են մասնագետներ, որոնց նախագծերը կարևոր են ճանաչվել Ռուսաստանի գիտական և արդյունաբերական էկոհամակարգի համար:
