Երեւանը եւ Անկարան մինչեւ 2023 թվականի զբոսաշրջային սեզոնի սկիզբը պայմանավորվել են բացել սահմանը երրորդ երկրների քաղաքացիների եւ դիվանագիտական անձնագրեր ունեցող անձանց համար։ Այս մասին մարտի 23-ին Ազգային ժողովում՝ արտաքին հարաբերությունների մշտական խորհրդարանական հանձնաժողովի արտահերթ նիստում, ասաց հանրապետության արտաքին գործերի նախարար Արարատ Միրզոյանը։
Այժմ, ինչպես նշեց նախարարը, պաշտոնական Երեւանն ակտիվ աշխատանքներ է տանում։
«Հայ-թուրքական սահմանին գտնվող Մարգարա ցամաքային անցակետը 30 տարվա մեջ առաջին անգամ գործարկվեց այս տարվա փետրվարին։ Այդ ժամանակ Հայաստանը մարդասիրական օգնություն եւ փրկարարներ ուղարկեց Թուրքիայի երկրաշարժից տուժած շրջաններ»,- ասաց Միրզոյանը։
