Երևանի քաղաքապետարանի ծրագրով այս տարի շուրջ 50 մլն դրամ է հատկացվել «Փակ շուկայի» դիմացի ստորգետնյա հետիոտնային անցումը հիմնանորոգելու համար:
Ինչպես հայտնեցին Երևանի քաղաքապետարանի տեղեկատվության և հասարակայնության հետ կապերի վարչությունից, շինարարական աշխատանքների ընթացքին տեղում ծանոթանում է ոլորտը համակարգող Երևանի փոխքաղաքապետ Տիգրան Ավինյանը:
Համայնքն այսօր դիտարկում է նաև Հակոբ Պարոնյան-Գրիգոր Լուսավորիչ փողոցների ստորգետնյա հետիոտնային անցման նորոգման խնդիրը:
