Հանքագործների քաղաքում ամեն տարի մետալուրգի օրը նշվում է մեծ շուքով: Այս անգամ տոնակատարությունները մեկնարկեցին ԶՊՄԿ-ի հիմնանորոգված մարզադաշտի բացման արարողությամբ:
Հնչեցին շնորհավորանքի ու բարեմաղթանքի խոսքեր` ևս մեկ անգամ կարևորելով ոլորտի մասնագետների դերը հանքարդյունաբերության զարգացման գործում: Ավանդույթի համաձայն` մասնագիտական տոնի առթիվ ձեռնարկության մի խումբ աշխատակիցներ պարգևատրվեցին:
Մետալուրգի օրվան բարձր տրամադրություն հաղորդեցին Երվանդ Երզնկյանի նվագախմբի ելույթները, իսկ տոնի ավարտն ազդարարվեց սիրված երգչուհի Տաթև Ասատրյանի մենահամերգով:
